Áheyrendur leiddir inn í dulúð fornrar tónlistar frá Íslandi

0

Fyrsti plata tónlistarhópsins Umbru kemur út 12. Apríl nk en þá verður jafnframt efnt til útgáfutónleika í Listasafni Íslands kl. 20:00. Á nýju plötunni sem nefnist Úr myrkrinu eru áheyrendur leiddir inn í dulúð fornrar tónlistar frá Íslandi og frá meginlandi Evrópu. Frá Englandi, Þýskaland, Spáni og Katalóníu. Draugar, vosbúð, kuldi og myrkur hefur verið vinsælt yrkisefni íslenskra þjóðlaga en það er e.t.v í stíl við þjóðarsálina og dvöl á einangraðri eyju. Myrkrið í evrópskri miðaldatónlist birtist fremur í ofuráherslu á mannlega þjáningu, syndina og breyskleika mannsins. Í allri þessari tónlist er samt heillandi fegurð og frumleiki sem á erindi við nútímann.

Tónlistarhópurinn Umbra var stofnaður árið 2014 og er skipaður tónlistarkonum sem allar hafa brennandi áhuga á fornri tónlist jafnt þeirri nýju. Ólíkar víddir þessarar tónlistar eru kannaðar í eigin útsetningum hópsins og í spuna, og hefur hópurinn skapað sinn eigin hljóðheim sem kalla mætti tímalausan.

Umbra er þannig skipuð: Alexandra Kjeld, kontrabassi og söngur, Arngerður María Árnadóttir, keltnesk harpa, indverkst harmóníum og söngur, Guðbjörg Hlín Guðmundsdóttir, barokkfiðla og söngur, Lilja Dögg Gunnarsdóttir, söngur og slagverk.

Dimma gefur út og dreifir í verslanir.

Skrifaðu ummæli